Åmli kulturskule

Åmli kulturskule held til på kulturloftet i 2. etasje over Åmli bibliotek, og har også undervisning på Elvarheim, speilsalen på vgs. og Dølemo oppvekstenter. Vi har fem lærarar og rundt 80 elevar i alderen 6-18 år. Vaksne blir tatt opp dersom det er ledige plassar.

Dei tilsette i kulturskulen er:

Laszlo Istenes: sang, piano, saksofon, irsk fløyte, bass, kor, korps, band. Telefon: 94822152 eller 37082126

Freddie Andeassen: gitar, piano, slagverk, band. Telefon: 92039109

Jarle Hagane: fiolin og hardingfele. Telefon: 41760572

Salve Kallevig: piano, gitar, ukulele, mandolin, bass, trekkspel, musikkgrupper. Telefon: 91100356 eller 37082126

Emilie R-B Sivertsen: dans og drama. Telefon: 97079153 

Lise-Lotte Fogh Johansson: kunst. Telefon: 41509867 

Tonje Ramse Trædal: kulturskulerektor. Telefon: 92629512

Skuleåret 2017/2018 tilbyr vi undervisning i:Kulturskulen - Kim Spelten - Klikk for stort bileteKulturskulen - Kim Spelten Åmli kommune

  • Piano
  • Gitar
  • Ukulele
  • Mandolin
  • Trekkspel
  • Bass
  • Saksofon
  • Irsk fløyte
  • Sang
  • Fiolin og hardingfele
  • Slagverk
  • Dansegrupper:
    Barnedans (5-8 år)
    Showdans (9-12 år)
    Street Jazz (13-18 år)
  • Dramagrupper
    Barneteater (1.-4. klasse)
    Ungdomsteater (frå 5. klasse)
  • Kulturkarusell (1.-3. klasse)
  • Kunstgruppe (1.-4. klasse)

Skuleåret følgjer skuleruta

Udervisningstidspunkt i musikk blir avtalt direkte med lærarane.

Prisen for ein elevplass er 1350 kr pr. halvår, fordelt på to betalingar i semesteret.
Det er 25% rabatt for søsken og for deltaking i fleire fag.
Instrumentleige er 300 kr i året.

Vi har løpande opptak. Ved utmelding i løpet av året blir det fakturert t.o.m. siste kvartal.

Innmelding og utmelding skjer via
elektronisk søknadsskjema

 

Kulturkarusell:
karusell - Klikk for stort bilete Dette er eit nytt tverrfagleg, gratis tilbod innanfor grunnprogrammet i kulturskulen. Tilbodet gjeld for elevar frå 1.-3. klasse. Kulturkarusellen er kvar onsdag mellom kl.12.15 og 13.15 i 020-rommet på skulen. Den første halvtimen blir det teaterleik for alle. Deretter blir elevane delt i tre grupper på fire elevar i kvar, og får undervisning i musikk, kunst og teaterleik på omgang. I løpet av året får elevane smakebitar på alle fag og ulike emne i kulturskulen. Undervisninga er på nybegynnar nivå, og det er ikkje krav til øving/heimearbeid.

Emilie R-B Sivertsen har hovudansvaret for kulturkarusellen og teaterleiken. Lise-Lotte Fogh Johansson har kunstundervisninga og Salve Kallevig musikkundervisninga. 

Tilbodet gjeld i eitt år pr. elev, og det er påmelding via elektronisk søknadsskjema som i dei andre faga. Vi har plass til maksimalt 12 elevar. Dersom det er fleire påmelde, vil elevane i dei lågaste klassene bli prioritert.

Drama:
Troll - Klikk for stort bilete Det er tilbod om to dramagruppet: Barneteater for 1.-4. klasse onsdag kl. 14.45-15.30 og ungdomsteater frå 5. klasse torsdag kl. 15.15-16.45 på Elvarheim. Begge teatergruppene vil i samarbeid med dei tre dansegruppene jobbe med forestillinga "Småtroll" i 2017/2018, baser på filmen "Trolls". Dette blir ei stor danse- og teateroppsetting våren 2018 i samarbeid med kulturskulen i Birkenes/Lillesand!

Dans:

Troll som danser - Klikk for stort bilete Barnedans er dans og moro. Barna lærer å bevege seg til musikk, dansens disiplin og grunnteknikk i ballett. Alder:5-8 år. Tidspunkt: torsdag kl. 17.00-17.45 i speilsalen på vgs. Tøy: valfritt med ballettdrakt, strømpebukser og ballettsko eller bevegeleg bukse/tights, topp og sokkar som ikkje sklir.

Showdans er ei blanding av ulike dansestilar. Det blir undervisning i grunnteknikk frå ballett og koreografi frå jazz og moderne dans. Alder: 9-12 år. Tidspunkt: torsdag kl. 17.50-18.50 i speilsalen på vgs. Tøy: valfritt elastisk tøy og ballettsko/sokkar som ikkje sklir.

Street Jazz er undervisning i mange ulike dansestilar innanfor hiphop, break og funk med mange kule trinn og bygging av styrke. Alder: 13-18 år. Tidspunkt: torsdag kl. 19.00-20.30 i speilsalen på vgs. Tøy: valfritt, f.eks. joggebukse og t-skjorte. Skotøy: joggesko (innesko).

Hugs å ha med drikkeflaske.

Kunstgruppe for 1.-4. klasse startar opp hausten 2017 med Lise-Lotte Fogh Johansson som lærar. Det blir undervisning på kulturloftet kvar onsag kl. 13.30-14.30. Kunstundervisninga vil fortrinsvis bestå av maleri og teikning. Barna skal på oppdagelse i fargane sitt språk og magi. Vi skal lære å blande fargar og vi  sette ord på kva fargar symboliserer og uttrykker. Vi skal samam gå på oppdagelse i maleriets ulike teknikkar primært med fokus på akrylmåleri, men vi skal også kjenne litt på collageteknikkar, vannfargar, spraymåling, akvarell og oliemaleri. Vi skal teikne gjennom å lære «å sjå» skikkeleg og ved å sjå på korleis (nesten) alle teikningar er samansett av få formar og vinklar. VI skal saman dykke litt ned i kunsthistoria med leik og humor som verktøy.

Band/samspel:
Enkelte av dei eldre elevane får tibod om å spele saman i band. Lærarane vil setje saman banda, og elevane vil få ein kombinasjon av individuell undervisning og samspel. I tillegg får banda i kulturskulen tilbod om 1 times gratis bandundervisning i veka med Keith Austin i den gamle rockeverkstaden i Åmlihallen.

Talentprogram:
Kulturskulane i Aust- og Vest-Agder har eit felles talentprogram for sine elevar gjennom lørdagsskolen. Ta kontakt med lærarane eller rektor for meir informasjon.

Seminar:
Elevane vil få tilbod om enkelte helgeseminar i løpet av året, slik som Stryk på sørlandet og/eller seminar i eigen regi. Våren 2016 vil vi ha seminar i dokketeater og animasjonsfilm. Informasjon om dette kjem etter kvart.
 

Vi ønskjer velkommen til eit triveleg og kreativt år i kulturskulen!
 

Kulturskulen - Åsne Nylund - Klikk for stort bileteKulturskulen - Åsne Nylund Åmli kommune

Sist endra 17.08.2017

Kontaktinformasjon

Tonje Ramse Trædal

Rådgjevar/kulturskulerektor
Telefon :37 18 52 64
Mobil :926 29 512
E-post :tonje.ramse.traedal@amli.kommune.no
Login for redigering Login for redigering