Åmli Kommune - Åmli PPT

Postadresse: Åmli kommune 4865 Åmli	Telefon: 37 08 10 83
Besøksadresse: Åmli skule 4865 Åmli	E-post: jon.haugen@amli.kommune.no

Jon Haugen leiar/ped. psyk. rådgjevar (cand. paed. spec.)

Åmli PPT (Pedagogisk-psykologisk teneste) Åmli pedagogisk-psykologiske teneste er ei rådgjevingsteneste som gir rettleiing til heimen, eleven og til opplæringsinstitusjonen ved bekymring knytt til utvikling og opplæring. Ei tilmelding til PP-tenesta skal alltid skje i samråd og forståing med den det gjeld og føresette. Føresette kan ta direkte kontakt med PP-tenesta. Tilsette i PPT har teieplikt. Tenestene er gratis. Åmli PP-teneste har kontorstad på Åmli skule, og kontordagar på dei einskilde skulane og barnehagane i kommunen.

___________________________________________________________________

Orientering om PP-tenesta

PP-tenesta sine arbeidsområde er heimla i Opplæringslova § 5:
"Kvar kommune og kvar fylkeskommune skal ha ei pedagogisk-psykologisk teneste. Den pedagogisk-psykologiske tenesta i ein kommune kan organiserast i samarbeid med andre kommunar eller med fylkeskommunen. Tenesta skal hjelpe skolen i arbeidet med kompetanseutvikling og organisasjonsutvikling for å leggje opplæringa betre til rette for elevar med særlege behov. Den pedagogisk-psykologiske tenesta skal sørgje for at det blir utarbeidd sakkunnig vurdering der lova krev det."

Døme på arbeidsområde:

Hjelpe skular/barnehagar med kompetanse- og organisasjonsutvikling
Rådgjeving til føresette og tilsette i barnehage og skule
Læringsmiljø
Ulike vanskar (t.d. språkvanskar, lese-/skrivevanskar, to-språklege vanskar og matematikkvanskar)
Funksjonshemmingar av ulike slag (fysiske og psykiske)
Sosiale-emosjonelle vanskar (samspelvanskar, utagering, isolasjon, angst, mistrivsel, mobbing, sorg, skulefråver mm)
Overgangar mellom barnehage og skule og mellom grunnskule og vidaregående opplæring
Sakkunnige uttalar i høve til opplæringslova

Døme på viktige samarbeidspartnerar:

Ulike kommunale tenester
Hjelpemiddelsentralen (HMS)
Barne og ungdomspsykiatrien (A-BUP)
Habiliteringstenesta (HABU)
Statlege kompetansesentra (Statped)