Velkommen til kulturtimen på ÅPOS

TORSDAG 12. april kl. 17.00 er det Kulturtimen på ÅPOS. Denne gongen får vi besøk av Johanne Flottorp frå Åmli.

Foto: Rakel Emhjellen Paulsen - Klikk for stort bileteFoto: Rakel Emhjellen Paulsen Johanne Flottorp er ein allsidig musikar og ein stødig solist på hardingfele. Ho spelar i hovudsak slåttar frå Tovdal, Setesdal og Telemark når ho er aleine med fela. Ho har ein energisk og kraftfull spelestil, og jobbar med det råe og kvasse i uttrykket der det trengst, kombinert med det såre og vare der det høver betre.

I tillegg til spele nokre former slik ho har lært dei av kjeldene sine, synest ho det er viktig å setje sitt eige stempel på spelet. Dette har ho jobba med i mange år, men spesielt dei to siste åra på Noregs musikkhøgskule konsentrerte ho seg om dette. Der tok ho tak i nettopp småslåttar frå heimtraktene og byrja å forme dei litt om. Dette prosjektet held ho stadig på med, og i april 2018 skal ho spele inn si første soloplate.

Johanne er A-klassing på hardingfele og i tillegg til å spele mykje solo, er ho aktiv i fleire prosjekt og grupper. Blant anna spelar ho i trioen Raabygg, og i countrybanda The Northern Belle og Ruby Red & the Moonshine Brothers.
 

Velkommen!


Helsing Frivilligsentralen og Åmli kommune

Sist endra 09.04.2018
Fant du det du leita etter?
Login for redigering Login for redigering